قصور(نمائندہ نوائے وقت) نواحی علاقہ جاگوالہ چک 4 میں شوہر نے اپنی بیوی کو تشدد کا نشانہ بنا کر دو بچیوں سمیت کمرہ میں بند کر کے کمرہ کو آگ لگا دی، تشدد کا شکار خاتون ہسپتال میں د م توڑگئی۔ نواحی علاقہ جاگوالہ چک نمبر4 میں گزشتہ روز گھر میں معمولی تلخ کلامی پر شفیق نے اپنی بیوی کوثر بی بی کو ڈنڈوں، سوٹوں سے تشدد کا نشانہ بنایا اور اپنی بیوی اور دو بچیوں سمیت کمرہ میں بند کر کے کمرہ کو آگ لگا دی۔ تشدد کا شکار خاتون لاہور ہسپتال میں دم توڑگئی جبکہ دونوں بچیاں معجزانہ طور پر محفوظ رہیں۔ پولیس تھانہ سٹی پتوکی نے مقتولہ کے بھائی ارشد علی کی مدعیت میں ملزم شفیق کے خلاف قتل کے جرم میں مقدمہ درج کر لیا۔