لاہور(سپورٹس رپورٹر) اویس زاہد نے عمر ذیشان کو ہراکر واپڈا بیڈمنٹن رینکنگ چیمپئن شپ میں مینز سنگلز کا ٹائٹل جیت لیا۔ فرزانہ علی نے صائمہ وقاص کو ہرا کرویمنز سنگل ٹائٹل اپنے نام کیا۔ شبرحسین او رعدنان نے مینز ڈبل  کاٹائٹل جیت لیا۔ صائمہ اور فرزانہ علی نے فائنل میں صغریٰ اور سدرہ  ہراکر ویمنز ڈبل ٹائٹل کا میدان مار لیا۔ واپڈا سپورٹس کمپلیکس میں کھیلی گئی چارروزہ واپڈا بیڈمنٹن رینکنگ چیمپئن شپ کا انعقاد واپڈا سپورٹس بورڈ نے کیا تھا۔ منیجنگ ڈائریکٹر (ایڈمنسٹریشن) واپڈا اور واپڈا سپورٹس بورڈ کے صدر یوسف نسیم کھوکھر اختتامی تقریب میں مہمانِ خصوصی تھے، جنہوں نے چیمپئن شپ میں پوزیشن حاصل کرنے والے کھلاڑیوںمیں میڈلز تقسیم کئے۔ جنرل منیجر(سپورٹس) واپڈا محمد ظفر، ڈائریکٹر جنرل واپڈا سپورٹس بورڈمیاں رفعت محمود اور منیجنگ ڈائریکٹر نندی پور پاورپراجیکٹ اور واپڈا بیڈمنٹن کے منیجر محمد محمود بھی اس موقع پر موجود تھے۔