نشان حیدر ہاکی ٹورنامنٹ، پی آئی اے اور واپڈا نے فائنل کیلئے کوالیفائی کر لیا

لاہور(سپورٹس رپورٹر) نشان حیدر ہاکی ٹورنامنٹ میںپی آئی اے اور واپڈا نے فائنل کیلئے کوالیفائی کر لیا۔ پہلے سیمی فائنل میں پی آئی اے نے نیشنل بنک کو کانٹے دار مقابلے کے بعد 2-1 سے ہرا دیا۔ نیشنل بنک کو پہلے ہاف میں 1-0 کی برتری حاصل تھی تاہم دوسرے ہاف میں پی آئی اے کے کھلاڑیوں نے عمدہ کھیل پیش کیا۔ دوسرے سیمی فائنل میں واپڈا نے آرمی (ریڈ) کو سنسنی خیز مقابلے کے بعد 5-3 سے شکست دے دی۔