لاہور (نمائندہ سپورٹس) ماسٹر پینٹس جونیئر نیشنل ٹینس چیمپئن شپ 2016ء کے تیسرے روز ٹینس کے زبردست مقابلے منعقد ہوئے جس میں کھلاڑیوں نے بھرپور حصہ لیا۔ انڈر 18 ڈبلز سیمی فائنلز میں حارث عرفان الحق اور سید نوفل کلیم نے نعلین عباس اور عبداللہ عدنان کو شکست دے کر فائنل کیلئے کوالیفائی کیا۔ انڈر 12 کوارٹرفائنلز میں سمیع زیب نے زریاب خان کو ، فیضان فیاض نے بلال عاصم کو ، عبدالحنان خان نے حمزہ جواد کو شکست دے کر سیمی فائنلز کیلئے کوالیفائی کیا۔ انڈر 14 کوارٹرفائنلز میں محمد شعیب نے محمد سید کو ، عبداللہ عدنان نے نعلین عباس کو ، حمزہ بن ریحان نے محمد عبداللہ کو شکست دے کر سیمی فائنلز کیلئے کوالیفائی کیا۔ ؎