عوام عمران خان کی رٹی رٹائی تقریریں سن کر عاجز آ چکے: خالد جوئیہ

کاہنہ (نامہ نگار) مسلم لیگ (ن)کے سینئر رہنماء محمد خالد جوئیہ آف جھیڈو نے کہا ہے کہ الزام خان کے گیارہ نکات کا آئندہ انتخابات میں عوام بھرپور جواب دے گی اقتدار کے بھوکے بیس سال سے ایک ہی رٹی ہوئی تقریر باربار کیے جا رہے ہیں جو عوام سن سن کر تنگ آ چکی ہے ۔کے پی کے میں عمران آپ کو اقتدار ملا لیکن آپ کے پی کے کی عوام کی خدمت کرنے میں ناکام رہے آپ نے کوئی نیا منصوبہ کے پی کے کی عوام کو نہیں دیا ۔جس سے وہ مستفید ہو سکتے آپ نے پانچ سال دوسروں پر الزام لگانے میں صرف کر دیئے جبکہ مسلم لیگ (ن) کی حکومت نے نواز شریف، شہباز شریف کی قیادت میں عوام کی خدمت کرنے میں صرف کئے۔ نئے منصوبے جن میں سڑکوں کے جال، سکولوں اور کالجوں کو اپ گریڈ کیا۔