لاہور (پ ر) لاہور پریس کلب نے بین الاقوامی شہرت یافتہ شاعر‘ ادیب‘ ڈرامہ نویس اور کالم نگار امجد اسلام امجد کے اعزاز میں خصوصی نشست کا اہتمام کیا۔ تقریب میں پریس کلب کے نائب صدر شکیل سعید‘ ممبر گورننگ باڈی شاہنواز رانا‘ لٹریری کمیٹی کے سربراہ زاہد گوگی‘ سینئر صحافی طارق ممتاز ملک‘ اقبال بخاری‘ طارق کامران‘ شبیر ڈوگر‘ مظفر چودھری‘ سعید واثق‘ ڈاکٹر امجد پرویز‘ محمد شعیب مرزا‘ جاوید رضوی‘ ڈاکٹر امجد طفیل‘ رہنما پی ٹی آئی آفتاب افگن‘ آفتاب جاوید‘ شجاعت ہاشمی‘ اورنگزیب لغاری‘ اصغر ندیم سید‘ فاطمہ غزل‘ اسحاق حیدر‘ فاروق سپرا‘ فیصل سلہریا‘ زبیر ملک اور اقبال کمبوہ سمیت متعدد نامور شخصیات نے شرکت کی اور امجد اسلام امجد کی خدمات پر اظہار خیال کیا۔ تقریب کے مہمان خصوصی امجد اسلام امجد نے حاضرین محفل کو اپنی متعدد نظمیں سنا کر بے پناہ داد وصول کی۔ تقریب کے اختتام پر امجد اسلام امجد کو کلب کی جانب سے یادگاری شیلڈ پیش کی گئی۔