جنرل باجوہ کا دورہ فرنٹیر فورس رجمنٹل سنٹر، جنرل عام عباسی کو کرنل کمانڈنٹ کے بیج لگائے

ایبٹ آباد (نوائے وقت رپورٹ) آرمی چیف جنرل قمر جاوید باجوہ نے ایبٹ آباد میں فرنٹیئر فورس کے رجمنٹل سینٹر کا دورہ کیا۔ آئی ایس پی آر کے مطابق آرمی چیف نے لیفٹیننٹ جنرل عامر عباسی کو کرنل کمانڈنٹ فرنٹیئر فورس رجمنٹ کے بیج لگائے۔ آرمی چیف نے رجمنٹل سینٹر آمد پر یادگار شہداء پر پھول چڑھائے۔ آرمی چیف نے دفاع وطن کیلئے فرنٹیئر فورس رجمنٹ کی کاوشوں اور قربانیوں کو سراہا۔ تقریب میں سبکدوش ہونے والے کرنل کمانڈنٹ جنرل غیور محمود اعوان نے بھی شرکت کی۔ تقریب میں حاضر سروس اور ریٹائرڈ افسران و جوانوں نے شرکت کی۔