مختلف مقامات سے ایک لڑکی سمیت4نامعلوم افراد کی نعشیں برآمد

لاہور(نمائندہ خصوصی)صوبائی دارالحکومت میں مختلف مقامات سے 3 نامعلوم افراد کی نعشیں برآمد پولیس نے نشئی قرار دے کر نعشوں کو مردہ خانے منتقل کر دیا ،بتایا گیا ہے کہ بھاٹی گیٹ کے علاقہ پرندہ مارکیٹ میں 35 سالہ نامعلوم شخص کی نعش،جبکہ لوہاری گیٹ سے60 سالہ اور گوالمنڈی کے علاقے برف خانہ چوک سے 35 سالہ نامعلوم شخص کی لاشیں برآمد ہوئی ہیں ۔ پولیس کے مطابق متوفیان نشے کے عادی تھے لٹن روڈ کے علاقہ سے 17 سالہ لڑکی کی نعش ملی ہے۔شناخت نہ ہونے پر پولیس نے نعش مردہ خانے جمع کروادی ہے۔لڑکی کی نعش میانی صاحب قبرستان سے ملی ہے۔پولیس کے مطابق متوفیہ حلئیے سے بھکارن معلوم ہوتی ہے۔