اسلام آباد (نامہ نگار)ڈائریکٹوریٹ آف سپورٹس قائداعظم یونیورسٹی نے انٹر کالجیٹ اتھلیٹکس چیمپیئن شپ کے نتائج کا اعلان کر دیا ہے۔ بوائز مقابلوں میں پہلی پوزیشن IMPC H-8 کالج اسلام آباد نے242پوائنٹس کے ساتھ حاصل کی۔ دوسری پوزیشن آئی سی بی G-6/3 اسلام آباد122 پوائنٹس کے ساتھ اور تیسری پوزیشن آئی ایم سی بی H-9 کالج اسلام آباد45پوائنٹس کے ساتھ حاصل کی۔ بیسٹ اتھلیٹس کا اعزاز بھی آئی ایم پی سی ایچ ایٹ کالج کے جبران خالق آفریدی نے حاصل کیا جو 73پوائنٹس کے ساتھ نمایاں رہے۔ گرلز کالج کے مقابلوں میں پہلی پوزیشن آئی ایم سی جی(پی جی) ایف سیون فور کالج اسلام آباد نے147پوائنٹس کے ساتھ حاصل کی۔ دوسری پوزیشن آئی ایم سی جی (پی جی )جی ٹین فور کالج اسلام آباد نے129پوائنٹس کے ساتھ اور تیسری پوزیشن آئی ایم سی جی جی سکس ٹوکالج اسلام آبادنے22پوائنٹس کے ساتھ حاصل کی۔