کراچی : سی ٹی ڈی حکام نے شہرقائد میں بڑی کارروائی کرتے ہوئے جنداللہ گروپ کا اہم دہشت گرد خان بادشاہ عرف عمرفاروق عرف خان کو گرفتار کرلیا ہے۔
ترجمان سی ٹی ڈی کے مطابق رینجرز اور سی ٹی ڈی نے کراچی کے علاقے شیرشاہ پراچہ چوک پر مشترکہ کارروائی کرتے ہوئے جنداللہ گروپ کااہم دہشت گرد خان بادشاہ عرف عمرفاروق عرف خان گرفتار کرلیا گیا ہے۔
ترجمان سندھ رینجرز کے مطابق گرفتار دہشتگرد سی ٹی ڈی کی ریڈ بک میں انتہائی مطلوب دہشتگرد ہے۔ جو 2007 میں بھاری مقدار میں اسلحہ وزیرستان سے کراچی لے کرآیا تھا اور وہ بینک ڈکیتیوں کی متعدد وارداتوں میں ملوث ہے۔
دہشتگرد نے مبینہ طور پر 2013 میں کئی افراد کی ٹارگٹ کلنگ کی جبکہ ڈکیتی کے دوران دو سیکورٹی گارڈز اورایک پولیس اہلکار کو بھی فائرنگ کرکے قتل اور ایک سیکورٹی گارڈ کوشدید زخمی کیا۔ وہ 2010 میں شاہ لطیف ٹاؤن میں پولیس مقابلے کے دوران فرار ہوگیا تھا۔
