اسلام آباد(خبرنگار)پاکستان میں تعینات انڈونیشیا کے سفیر آدم ملاورمان توگیو (Adam Mulawarman Tugio) کا نیول ہیڈ کوارٹرز اسلام آباد کا دورہ۔ ترجمان پاک بحریہ کے مطابق انڈونیشین سفیر کی چیف آف دی نیول اسٹاف ایڈمرل محمد امجد خان نیازی سے ملاقات اور باہمی دلچسپی کے امور پر تبادلہ خیال۔ نیول چیف اور معزز مہمان نے خطے کی سیکیورٹی صورتحال اور دوطرفہ بحری تعاون کے مذید فروغ پر بات چیت کی۔ نیول چیف نے حال ہی میں  انڈونیشین آبدوز کے ساتھ پیش آنے والے واقعے اور اس میں قیمتی انسانی جانوں کے نقصان پر تعزیت کی۔