برطانیہ کے مشہور موسیقار و ادیب انتھونی پائین گزشتہ روز 84برس کی عمر میں انتقال کرگئے۔برطانوی ذرائع ابلاغ کے مطابق برطانوی ریڈیو کے کمپوزر کولن میتھوز نے میڈیا سے گفتگو کرتے ہوئے بتایا کہ انتھونی کو طبعیت خرابی کے باعث لندن کے ایک نجی ہسپتال میں داخل کروایا گیا تھا جہاں وہ گزشتہ شب انتقال کر گئے ۔ انہوں نے بتایا کہ انتھونی 1936 میں لندن میں پیدا ہوئے تھے اور10برس کی عمر سے ہی ان کا رحجان کلاسیکی موسیقی کی طرف ہوگیا تھا ۔انہوں نے مزید بتایا کہ انتھونی پائین نے ڈولوچ کالج اور ڈرہم یونیورسٹی سے میوزک کی تعلیم حاصل کی تھاوربطور موسیقار اپنے کیریئر کے ساتھ ساتھ انہوں نے بیک وقت میوزک پر مصنف کی حیثیت سے شہرت حاصل کی اور برطانیہ ، آسٹریلیا اور امریکہ کی متعدد یونیورسٹیوں میں موسیقی پر لیکچر بھی دیتے رہے۔