کراچی جیم خانہ رمضان عمر ایسوسی ائیٹس ٹرافی ٹوٹل انرجی کے نام

کراچی(اسپورٹس رپورٹر)کراچی جیم خانہ کے زیرِ اہتمام 35ویں کراچی جیم خانہ عمر ایسو سی ائٹس رمضان کر کٹ فیسٹول 2022ٹوٹل انرجی نے جیت لیا،فائنل میں آئی ایم آئی عمر کو54 رنز شکست کا سامنا کرنا پڑا۔ کراچی جیم خانہ گراؤنڈ پر ٹاس جیت کر پہلے بیٹنگ کر تے ہوئے ٹوٹل انرجی نے 196 رنز کا ٹارگٹ دیا،سعید بن ناصر نے شاندار نصف سینچری 81،فیصل مرزا41،ارشد اعظم28 اورفہد جبار نے23رنز بنائے،محمد سمیع،عامر حمید،افسر نواز نے 1،1 وکٹ حاصل کی۔جواب میں آئی ایم آئی عمر کی ٹیم 142 رنز پر آل آؤٹ ہوگئی،فرخ رضوی 37اور عرفان مشتاق نے 26 رنز بنائے،یوسف حبیب، شاہ نواز نے 3،3 وکٹیں حاصل کی،فائنل کے اختتام پر ایک پر وقار تقریب میں مہمان خصوصی ندیم عمر نے فاتح ٹرافی چار لاکھ کیش ٹوٹل انرجی کے کپتان مظہر حسین جبکہ رنرز اپ ٹرافی دو لاکھ کیش آئی ایم آئی عمر کے کپتان عامر حمید کو پیش کیا،جبکہ کراچی جیم خانہ کے صدر اکبر اقبال پوری نے مین آف دی میچ فائنل سعید بن ناصر کو بیس ہزار کیش ایوارڈ،ٹورنامنٹ کے بہترین بیٹر رام روی،بہترین بولر اشعر قریشی ،بہترین وکٹ کیپر اظہر خان اور بہترین فیلڈر تنویر حسین کو بیس ،بیس ہزار کیش ایوارڈ دیا گیا،جبکہ مین آف دی ٹورنامنٹ کا ایوارڈ کے جی اے کے رام روی کو 25ہزار کیش ایوارڈ سے نوازہ گیا،اس موقع پر جام نفیس،مسرور مرزا،جاوید بندوقدا،زاہد انصاری،مسعود احمد کوآرڈی نیٹر،عتیق صدیقی میڈیا کوآرڈی نیٹر،مرزا قمر بییگ،عبداللہ اور آفیشیلز موجود تھے فائنل میچ کو محمد رشید اور وسیم الدین نے امپائرنگ کے فرائض انجام دئیے جبکہ راشد اسلم آفیشل اسکورر تھے.