خیبر پی کے‘ سکیورٹی فورسز کی کارروائیاں‘ ایک ماہ میں 46 دہشتگرد ہلاک‘ 306 گرفتار 

پشاور (نوائے وقت رپورٹ) خیبر پی کے میں سکیورٹی فورسز نے گزشتہ ایک ماہ میں مختلف آپریشنز کے دوران 46 شرپسندوں کو ہلاک جبکہ 306 کو گرفتار کر لیا۔ کے پی میں دہشتگردوں کے خلاف ہونے والی کارروائیوں سے متعلق جاری کردہ رپورٹ کے مطابق مزید بتایا گیا کہ دہشتگردوں کے خلاف آپریشنز باجوڑ، سوات، بنوں، لکی مروت، جنوبی وزیرستان اور شمالی وزیرستان سمیت ضلع خیبر میں انٹیلیجنس بیسڈ 136 کارروائیاں کی گئیں۔ ان کے قبضے سے بھاری مقدار میں بارودی مواد سمیت اسلحہ بھی برآمد ہوا۔