جانوروں سے محبت فاطمہ بھٹو‘ شوہر کو اینیمل ویلفیئر سنٹر کھینچ لائی، دورہ مندر 

اسلام آباد (نیٹ نیوز) جانوروں سے محبت سابق وزیراعظم و پیپلزپارٹی کے بانی ذوالفقار علی بھٹو کی پوتی اور میر مرتضیٰ بھٹو کی بیٹی فاطمہ بھٹو اور ان کے دولہا جبران کو اینیمل ویلفیئر سینٹر کھینچ لائی۔ نوبیاہتا جوڑے نے ریسکیو کیے گئے جانوروں کے ساتھ بھرپور وقت گزارا۔ جانوروں نے پھلوں کی دعوت اڑائی۔ خوبصورت دن کی تصاویر فاطمہ بھٹو کی جانب سے اپنے سوشل میڈیا اکاو¿نٹ پر بھی شیئر کی گئیں۔ تصاویر میں فاطمہ اور جبران کے علاوہ ان کے بھائی جونیئر ذوالفقار علی بھٹو کو بھی بندر کو گود میں اٹھائے دیکھا جاسکتا ہے۔ واضح رہے کہ فاطمہ بھٹو دو روز قبل جبران کے ساتھ رشتہ ازدواج میں منسلک ہوگئی تھیں اور نکاح کی چھوٹی سے تقریب خاندانی گھر 70 کلفٹن میں ہوئی تھی۔ ادھر نو بیاہتا جوڑے نے کلفٹن مندر کا بھی دورہ کیا۔