لاہور( کامرس رپورٹر) فاؤنڈرز گروپ کی مارکیٹس کوآرڈینیشن کمیٹی کا اجلاس زیر صدارت چیئرمین وقار احمد میاں’’ ستارہ پاکستان‘‘ منعقد ہوا،جس میں سابق صدر شیخ محمد آصف ، سابق سینئر نائب صدور کاشف یونس مہر، خواجہ خاور رشید ، رحمان عزیز چن ، سابق نائب صدور شیخ فیصل اقبال ، ذیشان خلیل ، میاں زاہد جاوید ، ممبران مجلس عاملہ میاں جبار خالد ، میاں عتیق الرحمن ، خادم حسین ، ڈاکٹر شاہد رضا ، ملک محمد ریاض، میاں عبدالرزاق ، چوہدری اورنگزیب، میاں احسن ، نجم الحسن ، عاقب آصف ، صدر آل پاکستان انجمن تاجران حاجی محمد اشرف بھٹی ، عنصر سعید بٹ ،محمد رفیق ، آصف بخاری اور دیگر نے شرکت کی ۔ اجلاس میں فاونڈرز گروپ کو لاہور اور قصور کی مارکیٹوں اور صنعتی علاقوں میں مزید فعال اور ووٹرز تک رسائی کیلئے تجاویز دی گئیں۔ اور اس بات کا اعادہ کیا گیا کہ فاونڈرز گروپ کی 100 سالہ روایات کو برقرار رکھا جائے گا ۔