نارنگ منڈی: جہیز میں گاڑی نہ لانے پر سسرالیوں نے حاملہ بہو قتل کر دی 

نارنگ منڈی (نمائندہ نوائے وقت) محلہ گریڈ روڈ پر جہیز میں گاڑی کیوں نہیں دی، سسرالیوں نے فائرنگ کر کے 4 ماہ کی حاملہ بہو کو قتل کر دیا گیا۔ خاوند، سسر سمیت پانچ ملزمان پر مقدمہ درج کر لیا گیا۔ بتایا گیا ہے کہ نور کوٹ شکرگڑھ کے رہائشی اکرام کی بیٹی نازیہ کی شادی 5 ماہ قبل نارنگ منڈی میں شعیب سے ہوئی تھی‘ والد اکرام کے مطابق شازیہ کو آئے روز تنگ کیا جاتا اور طعنے دئیے جاتے کہ جہیز میں گاڑی کیوں نہیں لائی اور اسی بات کو لیکر گھر میں اکثر لڑائی جھگڑا رہتا‘ نازیہ کے انکار پر شوہر شعیب، سسر عبدالحق وغیرہ نے رائفل سے فائرنگ کرکے قتل کردیا اور خودکشی کا ڈرامہ رچایا مگر ابتدائی تفتیش میں ہی سب عیاں ہو گیا۔ پولیس نے والد اکرام کی مدعیت میں شوہر، سسر اور نند سمیت 5 افراد کے خلاف مقدمہ درج کرکے نعش پوسٹ مارٹم کے بعد ورثاء کے حوالے کر دی ہے۔