امریکی سفیر  کا پاکستانی کرکٹ ٹیم کے اعزاز میں استقبالیہ، محسن نقوی بھی شریک 

لاہور+اسلام آباد (سپورٹس رپورٹر+نوائے وقت رپورٹ) امریکی سفیر ڈونلڈ بلوم نے پاکستان کرکٹ ٹیم کے اعزاز میں امریکہ میں ہونے والے ٹی 20 ورلڈ کپ کے تناظر میں استقبالیہ دیا۔ سفارتخانے کے مطابق  استقبالیہ میں چیئرمین پی سی بی محسن نقوی اور پاکستان کرکٹ ٹیم کے کھلاڑی شریک ہوئے۔ امریکی سفیر نے کھلاڑیوں کو آٹو گراف والی کرکٹ بال اور بلا دیا۔ کھلاڑیوں کی جانب سے امریکی سفیر کو دستخط شدہ کرکٹ جرسی اور بلا دیا گیا۔ امریکی سفیر نے قومی ٹیم کے کھلاڑیوں کے ساتھ کرکٹ بھی کھیلی، رواں سال جون میں پہلی بار ٹی 20 ورلڈ کپ کرکٹ  کی میزبانی امریکہ کر رہا ہے۔