گوجرانوالہ:2منشیات فروش گرفتار،11کلو چرس،6کلو افیون برآمد

گوجرانوالہ (نمائندہ خصوصی )ایس پی سٹی غیور احمد کی زیر نگرانی ایس ایچ او تھانہ ماڈل ٹائون نے مختلف کارروائیوں کے دوران  منشیات فروشی کے دھندے میں ملوث دو ملزمان کو گرفتار کرکے 11 کلو ایک سو ساٹھ گرام چرس اور چھ کلو دو سو گرام افیون برآمد کر لی، گرفتار کئے گئے ملزمان میں سلیم خان اور محمد بلال شامل ہیں، دوران تفتیش ملزمان نے انکشاف کیا کہ وہ دوسرے اضلاع سے منشیات لاتے اور شہر کے مختلف علاقوں میں منشیات سپلائی کرتے تھے، ملزمان کی نشاندہی اور انکشافات پر چھاپے مارے جا رہے ہیں۔