فیصل آبادکے علاقہ گٹ والاعامرٹائون میں آگ لگنے اور کمرے کی چھت گرنے سے3کمسن بہن بھائی جھلس کر اورملبے تلے دب کرجاں بحق ہوگئے جبکہ بچوں کوبچانے والاوالداوراس کی بیٹی بھی جھلس گئے چوتھی بیٹی کی بھی حالت تشویشناک بتائی گئی ، دونوں باپ بیٹی کو طبی امدادکے لئے ہسپتال منتقل کردیاگیا۔ریسکیوحکام کے مطابق 38سالہ جعفر کے بچے سوئے ہوئے تھے اوروہ خوددروازے کی کنڈی لگاکر اہلیہ کے ساتھ گھرسے باہرگیاہواتھا جس کے10منٹ بعدبجلی کے شارٹ سرکٹ کی وجہ سے گھرمیں آگ لگ گئی جس کے نتیجہ میں 3بہن بھائی جاں بحق ہوگئے جن میں 6ماہ کی امبر،6سالہ ایمن،اور8سالہ ارسلان شامل ہیں جبکہ ان کی چوتھی بہن3سالہ نورفاطمہ80فیصدجھلس گئی۔ ریجنل پولیس آفیسر ڈاکٹرمحمدعابدخان نے واقعہ کا نوٹس لیتے ہوئے ایس پی مدینہ ٹائون کی سربراہی میں انکوائری ٹیم تشکیل دے دی ہے۔