معروف امریکی کمپنی مائیکرو سافٹ کے بانی بل گیٹس کی دیوارِ چین پر پتنگ اڑاتے ہوئے تصاویر سوشل میڈیا پر وائرل ہو گئیں۔
بل گیٹس نے فوٹو اینڈ ویڈیو شیئرنگ ایپ انسٹاگرام پر دیوارِ چین پر گزرے یاد گار لمحات کی کچھ تصاویر شیئر کی ہیں۔
ان تصاویر میں اُنہیں دیوارِ چین پر انتہائی پُرجوش انداز میں پتنگ اُڑاتے ہوئے دیکھا جا سکتا ہے۔
بل گیٹس نے یہ تصاویر شیئر کرتے ہوئے لکھا کہ میں 1995ء میں گزرے ان خوش گوار لمحات کو یاد کر رہا ہوں جب میں نے چین کی عظیم دیوار پر پتنگ اڑائی تھی، آپ کہہ سکتے ہیں کہ میں نے وہاں بہت اچھا وقت گزارا تھا.یاد رہے کہ بل گیٹس نے گزشتہ سال چینی صدر شی جن پنگ سے ہونے والی ملاقات پر کہا تھا کہ یہ ملاقات میرے لیے اعزاز کی بات ہے اور اس ملاقات کے دوران اچھی گفتگو ہوئی۔
اُنہوں نے یہ بھی کہا تھا کہ ہمارے پاس بہت سارے اہم موضوعات ہیں اور میں دوبارہ چین آنے کے لیے پُرجوش ہوں
