سعودی عرب کے دارالحکومت ریاض میں پٹرول اسٹیشن کے قریب کھڑے آئل ٹینکرمیں دھماکہ, چودہ افراد جاں بحق اورساٹھ زخمی۔

غیرملکی خبر ایجنسی کے مطابق دھماکا پٹرول اسٹیشن کے قریب کھڑے فیول ٹرک کے پھٹنے سے ہوا۔ دھماکے سےپٹرول اسٹیشن کی عمارت مکمل طور پر تباہ ہوگئی اور وہاں کھڑی گاڑیوں میں بھی آگ لگ گئی ،عرب میڈیاکے مطابق دھماکہ آئل ٹینکر میں دوسری گاڑی کے ٹکرانے کے باعث ہوا ہے،جس سے چودہ افراد جاں بحق اورساٹھ سے زائد جھلس گئے ہیں، زخمیوں کو طبی امدادکے لئے قریبی ہسپتالوں میں منتقل کردیاگیا ہے،پولیس نےموقع پرپہنچ کرواقعے کی تحقیق شروع کردی ہیں۔