لاہور (پ ر) فلم ”وار“ یکے بعد دیگرے زبردست کامیابیاں حاصل کرکے پاکستانی سینما کی نئی تاریخ رقم کر رہی ہے۔ فلم ”وار“ کی ٹیم، ڈسٹری بیوٹرز، سینما مالکان اور دیگر فلمی شخصیات نے کیک کاٹنے کی تقریب میں جشن منایا۔ ”وار“ پاکستانی سینما کے تمام گذشتہ بزنس ریکارڈ توڑ چکی ہے ۔توقع ہے کہ یہ فلم 15 دن کے اندر 14 کروڑ روپے سے زائد کا بزنس کرکے ریکارڈ قائم کر دے گی۔ مصنف اور پروڈیوسر ڈاکٹر حسن وقاص رانا ہیں جبکہ ہدایات بلال لاشاری نے دی ہیں۔ستاروں میں شان ‘ شمعون عباسی ‘ حمزہ علی عباسی، عائشہ خان، علی عظمت، میشا شفیع، کامران لاشاری اور ندیم عباس رانا شامل ہیں۔