حیدرآباد سٹیشن پرکھڑی 3 بوگیوں جہانیاں کے نزدیک علامہ اقبال ایکسپریس کے انجن میں آگ لگ گئی

حیدرآباد جہانیاں (آئی این پی) حیدر آباد ریلوے سٹیشن پر کھڑی تین بوگیوں میں آگ لگ گئی‘ جس سے بوگیاں جل کر خاک ہوگئیں‘ آگ سے کوئی جانی نقصان نہیں ہوا۔ جمعہ کو حیدرآباد ریلوے سٹیشن پر کھڑی بوگی میں آگ لگ گئی جس نے پھیل کر مزید دو بوگیوں کو اپنی لپیٹ میں لے لیا۔ فائر بریگیڈ کی گاڑیوں نے موقع پر پہنچ کر آگ پر قابو پالیا تاہم تینوں بوگیاں مکمل تباہ ہوگئیں۔ ریسکیو ذرائع کے مطابق آگ لگنے کی وجہ تاحال سامنے نہیں آئی اور بوگیاں خالی ہونے کی وجہ سے کوئی جانی نقصان نہیں ہوا۔ علاوہ ازیں کراچی سے لاہور جانیوالی علامہ اقبال ایکسپریس کے انجن میں جہانیاں کے نزدیک شارٹ سرکٹ سے آگ لگ گئی۔ مسافروں نے اپنی مدد آپ کے تحت آگ پر قابو پایا ٹرین میں موجود مسافروں نے ٹرین سے انجن کو دھکا لگا کر علیحدہ کیا۔ مسافروں نے ریلوے حکام کے خلاف شدید نعرے بازی کی۔
بوگیاں آگ