پاکستان میں انٹرنیشنل کرکٹ کی واپسی پر خوش ہوں: مکی آرتھر

لاہور (سپورٹس رپورٹر+نمائندہ سپورٹس) قومی ٹیم کے ہیڈ کوچ مکی آرتھر بھی پاکستان میں انٹرنیشنل کرکٹ کی واپسی پر خوش ہوں۔ میڈیا سے گفتگو کرتے ہوئے قومی کرکٹ ٹیم کے ہیڈ کوچ مکی آرتھر نے کہا کہ پاکستان سری لنکا میچ کے موقع پر قذافی سٹیڈیم کو بھرا ہوا دیکھ کر خوشی ہوئی۔ قومی کوچ کہتے ہیں کہ سری لنکن ٹیم کی آمد سے انٹرنیشنل کرکٹ کی واپسی کا اچھا ماحول بنا اور اس سے بڑھ کر پاکستانی ٹیم کا اپنے ہوم گراؤنڈ پر کھیلنا خوشی کی بات ہے اور اس سلسلے کو جاری رہنا چاہیے۔ قومی کوچ نے مزید کہا کہ تمام لوگوں نے کرکٹ کی واپسی کو بھرپور سپورٹ کیا جو کہ خوش آئند ہے۔