سندھ اسمبلی کے اجلاس میں شرجیل میمن کی شرکت پر مسلم لیگ فنکشنل کی رکن نصرت سحرعباسی نے کرپشن میں خاتمے کی انوکھی دعا کرائی۔سندھ اسمبلی کے اجلاس میں شرکت کے لیے اسپیکر کے احکامات پر میگا کرپشن اسکینڈل میں گرفتار سابق صوبائی وزیر شرجیل میمن کو سخت سیکیورٹی میں سندھ اسمبلی لایا گیا۔ڈپٹی اسپیکر شہلا رضا کی سربراہی میں اسمبلی اجلاس کے دوران صورت حال اس وقت دلچسپ ہوگی جب مسلم لیگ فنکشنل کی رکن نصرت سحر عباسی نے اظہار خیال کرتے ہوئے کرپشن کے خاتمے کے لیے انوکھی دعا کرائی۔ انہوں نے ہاتھ اٹھاکر کہا کہ آئیے مل کر دعا کریں کہ صوبے سے کرپشن کا خاتمہ ہوجائے۔ اسمبلی میں کرپٹ لوگوں کااستقبال نہ ہو. انہوں نے شرجیل میمن پر تنقید کرتے ہوئے کہا کہ ان کی آمد پر یہ مثال قائم نہ ہو جیسے بہاروں پھول برساو  چورآیا ہے چور آیا ہے۔