اے کرکٹ : پاکستانی اننگز 346رنز 9کھلاڑی آئوٹ پر ڈکلیئر

لاہور(نمائندہ سپورٹس) پاکستان اے کرکٹ ٹیم نے نیوزی لینڈ اے کرکٹ ٹیم کے خلاف چار روزہ میچ میں پہلی اننگز 346رنز 9کھلاڑی پرڈکلیئر کردی ۔ کیویز اے ٹیم نے 6وکٹوں کے نقصان پر 168رنز بنالئے ‘گرین شرٹس کا سکور برابر کرنے کیلئے مزید 178رنز درکار جبکہ چار وکٹیں باقی ہیں ۔پاکستان اے ٹیم نے کھیل کے دوسرے دن نامکمل اننگز 300رنز پانچ کھلاڑی آئوٹ پر شروع کی تو شان مسعود گزشتہ روز کے سکور میں چار رنز کا اضافہ کرکے 168رنز پر پویلین لوٹ گئے ۔ جس کے بعد باقی تین وکٹیں بھی جلد گر گئیں ۔ سعودشکیل بارہ ‘کاشف بھٹی پینتیس ‘وقاص احمد چار رنز بناکر آئوٹ ہوئے ۔میر حمزہ صفر پر ناٹ آئوٹ تھے کہ اننگز ڈکلیئر کرنے کا اعلان کر دیا گیا۔ کگلین نے چار‘جیمی سن نے تین جبکہ ٹکنر نے دو کھلاڑیوں کو آئوٹ کیا ۔ نیوزی لینڈ اے ٹیم کی پہلی وکٹ نو رنز پر گر گئی تاہم بعد میں آنے والے کھلاڑیوں نے ٹیم کو سنبھال لیا ۔ کپتان راول ایک ‘ورکر تیس‘ینگ تئیس ‘رویندرا ستر ‘کلیور چار اور واٹلنگ اٹھارہ رنز بناکر آئوٹ ہوگئے ۔ ایسٹل سولہ اور جیمی سن ایک رن پر کھیل رہے ہیں۔تاج ولی نے دو ‘میر حمزہ ‘وقاص احمد ‘کاشف بھٹی اور سعود شکیل نے ایک ایک کھلاڑی کو آئوٹ کیا ۔