کراچی میں کرونا سے سب سے زیادہ اموات ضلع شرقی میں ریکارڈ 

کراچی(نوائے وقت نیوز)کراچی میں کورونا وائرس سے سب سے زیادہ اموات ضلع شرقی میں ریکارڈ کی گئی ہیں۔محکمہ صحت سندھ کے مطابق 728 افراد کورونا وائرس سے اب تک ضلع شرقی میں جان کی بازی ہار چکے ہیں۔محکمہ صحت کے مطابق دوسرے نمبر پر ضلع وسطی میں 478 افراد کا کورونا وائرس کے باعث انتقال ہوا۔محکمہ صحت سندھ کے مطابق تیسرے نمبر پر ضلع جنوبی میں 356 افراد کورونا سے چل بسے جبکہ چوتھے نمبر پر کراچی کے ضلع کورنگی میں 274 افراد کورونا وائرس سے جان کی بازی ہارگئے۔محکمہ صحت سندھ نے بتایاکہ 230 افراد کا کراچی کے ضلع غربی میں کورونا وائرس کے باعث انتقال ہوا ہے۔محکمہ صحت سندھ کے مطابق مٹیاری، ٹنڈو اللہ یار، ٹنڈو محمد خان اور عمر کوٹ میں کورونا وائرس سے سب سے کم 3، 3 اموات رپورٹ ہوئی ہیں۔