تُرک شیف بُراک ازمیر کا زونگ فور جی کی دعوت پر دورہ پاکستان

اسلام آباد(کامرس ڈیسک) پاکستان میں موبائل اور ڈیجیٹل سروسز فراہم۔کرنے والے صف اول کے ادارے زونگ فور جی نے پاکستانی عوام سے کیا اپنا ایک اور ودہ پورا کر دیا۔ ترکی سے تعلق رکھنے والے عالمی شہرت یافتہ شیف بُراک ازمیر پاکستان پہنچ گئے۔بین الاقوامی شہرت کے حامل بُراک کے حالیہ دورے سے زونگ فور جی نے اپنے سلوگن اک نیا خواب کی عملی تعبیر کی طرف ایک اور قدم بڑھا دیا ہے۔ بُراک ازمیر ترکی سے تعلق رکھنے والے سوشل میڈیا پر اپنے چاہنے والوں میں سی زی این بُراک کا نام سے پہچانے جاتے ہیں۔ وہ ترکی کے روایتی کھانوں کے بھاری بھرکم پورشنز بنانے کے لیے خصوصی طور پر پہچانے جاتے ہیں جبکہ اس کے علاوہ وہ دوسرے کھانے برگرز، ہاٹ ڈاگ وغیرہ کی تیاری میں اپنے مخصوص انداز کی وجہ سے خاص شہرت رکھتے ہیں۔ دنیا بھر میں بُراک کے چاہنے والوں کی ایک بڑی تعداد کا تعلق پاکستان سے بھی ہے اور زونگ فور جی نے اس دورے کے زریعے ان کے مداحوں سے ملاقات کا موقع فراہم کر دیا ہے۔ اس موقع پر اظہار خیال کرتے ہوئیزونگ فور جی کے ترجمان کا کہنا تھا کہ اک نیا خواب زونگ فور جی پہ اعتماد رکھنے والے لاکھوں پاکستانیوں کے لیے اک امید کانام ہے اور زونگ فور جی اس خواب کی تکمیل کے لیے ہمہ وقت کوشاں ہے۔ ان کا کہنا تھا کہ بُراک کا حالیہ دورہ پاکسان ہو یا پاکستان کی تاریخ میں جدید ترین فائیوجی ٹیکنالوجی کا کامیاب تجربہ، زونگ فور جی اپنے صارفین کو مارکیٹ میں ہمیشہ ایک قدم آگے رکھتا ہے۔  عالمی شہرت یافتہ بُراک کا حالیہ دورہ نہ صرف پاکستان میں انکے مداحوں کے لییایک اچھی خبر ہے بلکہ دنیا بھر میں پاکستان کے مثبت امیج پیش کرنے کے ساتھ ساتھ پاکستان اور ترکی کے برادرانہ تعلقات میں بھی اہم کردار ادا کرے گا۔ اپنے دورے کے دوران بُراک پاکستان کے مختلف شہروں میں اپنے مداحوں سے ملاقاتیں کریں گیجبکہ اس دوران وہ پاکستان، ترکی اور دنیا بھر میں اپنے شائقین سے مربوط اور بلا تعطل رابطوں کے لیے زونگ فور جی کے نیٹ ورک پر موجود رہیں گے۔