اسلام آباد: گیس سلنڈر پھٹنے سے خاتون جاں بحق،4افراد زخمی 

اسلام آباد (اپنے سٹاف رپورٹر سے) تھانہ شمس کالونی کے سیکٹرایچ13 میں واقع پلازہ کے ساتویں فلور پر گیس سلنڈر پھٹنے سے ایک خاتون جاں بحق اور دوخواتین اور دو مردشدید جھلس گئے جنہیں پمس منتقل کردیا گیا۔ دھماکے کی اطلاع پرایس پی انڈسٹریل ایریا زون فدا ستی پہنچ گئے ۔پولیس نے بتایا کہ لینڈ مارک پلازہ کے ساتویں فلور پرانجم کے فلیٹ میں مہمان آئے ہوئے تھے۔ مائیکروویو اوون چلایا تو گیس سلنڈر سے لیکیج کے باعث دھماکے سے آگ بھڑک اٹھی۔ جس سے عائشہ نامی خاتون سکنہ گوجرانوالہ شدید جھلسنے سے جاں بحق ہوگئیں ۔