کراچی (نیوز رپورٹر) م ص ایمن ایک غیر معمولی شخصیت کے حامل ادیب ہیں۔ یہ بات بزمِ شعروسخن کے زیر اہتمام م ص ایمن کی آٹھویں کتاب سنگِ بے بنیاد کی تقریب رونمائی جو فاران کلب میں منعقد ہوئی کی صدارتی خطبہ دیتے ہوئیمعروف نقاد، محقق، دانشور اور ممتاز شاعر فراست حسین رضوی نے کہی۔انہوں نے کہا کہ مزاح لکھنا ایک مشکل کام ہے مگر م ص ایمن نے اس مشکل کام کو بڑے احسن اور بڑے سلیقے اور ادب کے ساتھ انجام دیا ہے۔ انہوں نے مصنف کو ادب میں ایک خوشگوار اضافہ قرار دیا۔ تقریب کے دوسرے صدر پروفیسر سلیم مغل تھے۔ انہوں نے کہا کہ سنگِ بے بنیاد / ادب میں ایک منفرد اضافہ ہے۔ اس کتاب میں ایک ایسا جادو جو پڑھنے والوں کو اپنے سحر میں لینے کا ہنر رکھتا ہے۔ قبل ازیں بزمِ شعروسخن کے صدر طاہر سلطان پرفیوم والا نے خطبہ استقبالیہ پیش کیا۔