لاہور ( سپورٹس رپورٹر) سلطان اذلان شاہ ہاکی کپ ایپوہ، ملائیشیا میں آج سے دس نومبر تک کھیلا جائیگا۔ ایونٹ میں 6ٹیمیں شرکت کررہی ہیں جن میں میزبان ملائیشیا،پاکستان، جاپان ، کوریا، ساﺅتھ افریقہ اور مصر شامل ہیں،شیڈول کے مطابق پاکستان پہلا میچ آج پاکستانی وقت کے مطابق سہ پہر 3بجے ساتھ جنوبی افریقہ سے کھیلے گا،دوسرا میچ 2نومبر کوپاکستانی وقت کے مطابق شام پانچ بجے ملائیشیا سے ہوگا، تیسرے میچ میں چار نومبر کو جاپان سے مقابلہ ہوگااور میچ پاکستانی وقت کے مطابق دوپہر ایک بجے کھیلا جائےگا،اسی طرح پاکستانی ٹیم اپنے چوتھے میچ میں پانچ نومبر کو کوریا کے آمنے سامنے ہو گی اور میچ پاکستانی وقت کے مطابق دوپہر ایک بجے کھیلا جائے گا،پاکستانی ٹیم پانچویں اور آخری میچ میں سات نومبر کو مصر کے خلاف کھیلے گی جو پاکستانی وقت کے مطابق سہ پہر تین بجے کھیلا جائے گا، ایونٹ راﺅنڈ رابن لیگ طرز پر کھیلا جائیگا۔