اسلام آباد(اپنے سٹاف رپورٹر سے)کیپیٹل پولیس نے تھانہ کراچی کمپنی، سبزی منڈی اور گولڑہ کے مختلف علاقوں میں سرچ آپریشن کرکے 155گھروں کی تلاشی، 103مشکوک افراد ،16گاڑیاں اور50 موٹر سائیکلوں کی چیکنگ کی ایس پی کاﺅنٹر ٹیررازم ڈیپارٹمنٹ کے زیرنگرانی ،سی ٹی ڈی اور ایف سی کی ٹیموں نے مشترکہ سرچ اینڈ کومنگ آپریشن میں حصہ لیا،سرچ آپریشن کے دوران155 گھروں کی تلاشی اور 103 مشکوک افراد کو چیک کیاگیا، جبکہ گھروں کی تلاشی کے دوران 04 بوتل شراب اور 01 عدد 223بوررائفل معہ ایمونیشن برآمد کر لیا گیاڈی آئی جی آپریشن سہیل ظفر چٹھہ نے کہا کہ سرچ آپریشن کا مقصد جرائم پیشہ عناصر کے گرد گھیرا تنگ کرنااور شہر بھرمیں سکیورٹی کو موثر بنانا ہے، سرچ آپریشنز ضلع بھر کے مختلف علاقوں میں کئے جائیں گے، اسلام آباد پولیس کا جرائم پیشہ عناصر، قبضہ مافیا اور منشیات فروشوںکیخلاف بلا تفریق کاررائیوں کا سلسلہ جاری ہے۔