پاکستان کو شکست، سری لنکا انڈر 19 ٹیم نے ون ڈے سیریز جیت لی

لاہور(سپورٹس رپورٹر) سری لنکا نے انڈر 19 ون ڈے سیریز کے آخری میچ میں پاکستان کو شکست دیکر سیریز تین دو سے اپنے نام کرلی۔کراچی کے نیشنل کرکٹ سٹیڈیم میں ہونیوالی پانچ ایک روزہ میچوں کی سیزیز کے آخری اور فیصلہ کن میچ میں سری لنکا انڈر 19 ٹیم نے پاکستان کو 165 رنز سے شکست دےدی۔ سری لنکا انڈر 19 ٹیم نے پاکستان کوجیت کیلئے 294 رنز کا ہدف دیا تھا، سانتھ جے وردھنے 82 رنزبناکرنمایاں رہے، روساندا گاماگے نے 66 اور پلندو پریرا نے 47 رنز بنائے۔عبید شاہ، محمدابتسام اورعرفات منہاس نے 2، 2وکٹیں اپنے نام کیں۔ پاکستان انڈر 19 ٹیم 128 رنز پر آل آوٹ ہوگئی، عرفات منہاس 57 رنزکی اننگز کھیل سکے، وہاس تھیومیکااورمالشا تھاروپاتھی نے 3، 3 کھلاڑیوں کوآوٹ کیا۔