فروعی اختلافات نے امت کا شیرازہ بکھیر دیا،فاروق الاسلام شاہ 

فتح جنگ (عدیل افضل خان)پاکستان کی ممتاز روحانی درگاہ دربار عالیہ چورہ شریف کا سالانہ خواجگان چورہ شریف حضرت خواجہ سید فقیر محمد چوراہی کے عرس کی تین روزہ تقریبات خانقاہ مجددیہ چورہ شریف کے سجادہ نشین ممتاز مذہبی سکالر علامہ پیر سید محمد فاروق الاسلام شاہ مجددی کی زیر سرپرستی اورعلامہ پیر سید محمد حسنین فاروق شاہ مجددی چوراہی مرکزی سجادہ نشین خانقاہ مجددیہ چورہ شریف کی زیر نگرانی اختتام پذیر ہو گئیں،اختتامی نشست میں پنجاب کی روحانی شخصیات پیر خواجہ محبوب الٰہی سجادہ نشین وادی عزیز شریف (چنیوٹ)پیر سید عبیداللہ شاہ گھمگھول شریف،پیر سید مصور شاہ علی پور شریف ،پیر محمد عثمان علی عثمانی روپڑ شریف،پیر محمود الرسول سالم شریف،پیر سید مفتی لقمان چکوال. پیر بشیر احمد یوسفی لاہور پنجاب کے سابق صوبائی وزیر میاں اجمل چیمہ اور ضلع کونسل اٹک کے سابق اپوزیشن لیڈر ملک ریاض الدین اعوان آف ملہووالی کے علاوہ علما مشائخ کی بڑی تعداد نے شرکت کی دعائیہ تقریب میں فلسطین و کشمیر کے مسلمانوں پاکستان کے تحفظ اور دنیا بھر کے مسلمانوں کے لیے خصوصی دعائیں مانگی گئیں،مرکزی دعائیہ تقریب میں معروف بزرگ نعت خوان الحاج عبدالرزاق جامی نے عارفانہ کلام پیش کیا، پیر سید محمد فاروق الاسلام شاہ مجددی نے اتحاد امت مسلمہ کو موجودہ وقت کی اہم ضرورت قرار دیا اور کہا کہ فروعی اختلافات نے امت کے شیرازہ کو بکھیر دیا ہے، برصغیر کے اولیا اکرام کی اسلام کی تبلیغ اشاعت کے بارے خدمات تاریخ کا حصہ ہیں۔