محکمہ تعلیم پنجاب نے فضائی آلودگی بڑھنے پر ماسک پہننا لازمی کر دیا ہے۔
اس حوالے سے لاہور سے جاری نوٹیفکیشن کے مطابق پنجاب کے تمام اضلاع کے سی ای او ایجوکیشن کو ہدایت جاری کر دی گئی ہیں۔
نوٹیفکیشن کے مطابق لاہور ڈسٹرکٹ میں پرائیویٹ اور سرکاری اسکولز کے طلبا و طالبات اور اساتذہ ماسک پہنیں۔
نوٹیفکیشن میں کہا گیا ہے کہ عمل درآمد نہ کرانے والے ادارے کے سربراہ کے خلاف کارروائی کی جائے گی۔