شیخوپورہ (نامہ نگار خصوصی) ایڈیشنل آئی جی سلمان علی خان کی سرپرستی میں سیکٹر نارتھ تھری میں ایس ایس پی سید فرخ رضا کی زیر قیادت میں روڈ سیفٹی کیمپ کا اہتمام کیا گیا۔ کیمپ میں اٹلس ہنڈا اور موٹروے پولیس نارتھ تھری کی طرف سے موٹر بائیکرز کو روڈ سیفٹی کے حوالہ سے بریفنگ دی گئی، انکو ہیلمٹ بھی دئیے گئے اور ایک روزہ فری مکینیکل ورکشاپ کا بھی اہتمام کیا گیا جس میں روڈیوزرز کو فری موٹر سائیکل مرمت سے متعلقہ فری سہولیات بھی فراہم کی گئی۔ ایس ایس پی فرخ رضا نے شرکاء سے دوران گفتگو کرتے ہوئے کہا کہ ٹریفک قوانین پر عمل کر کے ہم ایک مہذب معاشرے کو تشکیل دے سکتے ہیں ۔ سکول کالجز اور یونیورسٹیز کے عملہ کو چاہئے کہ سیفٹی مہم میں موٹروے پولیس کے شانہ بشانہ رہیں اور خاص طور پہ موٹرسائیکل سوار طلباء کو ہیلمٹ کی بابت مکمل آگاہی دیں۔