لاہور (سپورٹس رپورٹر )چیئرمین پاکستان کرکٹ بورڈمحسن نقوی نے کراچی اور لاہور میں سٹیڈیمز کے قریب ہوٹل بنانے کے پلان پر مشاورت شروع کر دی۔ذرائع کے مطابق چیمپئنز ٹرافی کے بعد ہوٹل پراجیکٹ پر کام شروع ہو گا، نیشنل سٹیڈیم کراچی کی متصل زمین ہوٹل کیلئے مختص ہے، ہوٹل بنانے سے انٹرنیشنل ٹیموں کی سکیورٹی کا بڑا مسئلہ حل ہو جائیگا۔ ٹیمیں ہوٹل سے لمحہ بھر میں سٹیڈیم پہنچ سکیں گی، ہوٹل سے سٹیڈیم کے درمیان ایک انڈر پاس بھی پلان کا حصہ ہے۔ سابق چیئرمین پی سی بی رمیز راجہ سٹیڈیم کی زمین پر ہوٹل بنانے کیلئے کراچی کے تاجروں سے بات بھی کر چکے تھے۔