فیروزوالہ( نامہ نگار) ٹریفک کے مختلف حادثات میں کمسن بچے سمیت دو افراد ہلاک اور 10 افراد زخمی ہو گئے۔ جی ٹی روڈ پر تیز رفتار ٹرک نے سڑک عبور کرتی خاتون کو روندڈالا جو موقع پر جاں بحق ہو گئی۔ ڈرائیور فرار ہو گیا۔ تیز رفتار بس نے سڑک کنارئے کھڑئے 2سالہ بچے کوٹکر مار دی ‘ علی حسین موقع پر جاں بحق ہو گیا ۔متوفی ننگل بچھر کا رہنے والا تھا ۔ لاہور روڈ پر رضا چوک کے قریب مسافر ویگن کی بریک فیل ہوجانے کے باعث مسافر ویگن اور ٹرالر میں تصادم کے نتیجہ میں پانچ افراد زخمی ہو گئے‘ زخمیوں میںہادی،اشرف،محمدعرفان کنڈیکٹر، ڈرائیور خالد حیدرعلی کانسٹیبل ادریس شامل ہیں جن کو ہسپتال داخل کرا دیا گیا۔جی ٹی روڈ پر رکشہ الٹنے سے چار افراد زخمی ہو گئے۔