لاہور(نامہ نگار)ڈولفن سکواڈ نے نواں کوٹ کے علاقے سے مقابلے کے بعد ریکارڈ یافتہ ملزم کو اسلحہ سمیت گرفتار کر لیا۔ ترجمان کے مطابق  نواں کوٹ کے علاقے میں ڈولفن کے تعاقب کے دوران مشکوک شخص کو روکنے کی کوشش کی ملزم نے ڈولفن ٹیم کیساتھ مزاحمت کے دوران جوانوں پر پسٹل تان لیا جسے ڈولفن جوانوں نے پروفیشنل انداز میں قابو کر کے پستول،موٹر سائیکل برآمد کرلی۔ مزاحمت کے دوران ڈولفن اہلکار عاصم ٹانگ پر چوٹ لگنے سے زخمی گیا جس کو ہسپتال منتقل کر کے سنگین جرائم میں ملوث ملزم عامر کومزید تفتیش کیلئے تھانہ نواں کوٹ کے حوالے کردیا گیا۔