امریکی صدارتی الیکشن‘ ٹرمپ کچرا اٹھانے والا ٹرک چلانے لگے 

واشنگٹن (نیٹ نیوز) امریکی صدارتی انتخابات کی مہم ختم ہونے سے 4 روز قبل سابق صدر ڈونلڈ ٹرمپ نے اپنی انتخابی مہم کے سلسلے میں کچرا اْٹھانے والے ٹرک میں بیٹھے نظر آئے اور صحافیوں کے سوالات کے جوابات بھی دیئے۔ امریکی صدر جوبائیڈن نے حکمراں جماعت ڈیموکریٹ کی امیدوار کملا ہیرس کے انتخابی جلسے سے خطاب کرتے ہوئے کہا تھا کہ واحد کچرا جو میں دیکھ رہا ہوں وہ ٹرمپ کے حامی ہیں۔ صدر جو بائیڈن کے اس بیان کے خلاف احتجاجاً ڈونلڈ ٹرمپ کچرا اْٹھانے والے ٹرک پر سوار ہوگئے اور کہا کہ کیا آپ کو میرا کچرے کا ٹرک پسند آیا؟ یہ کملا ہیرس اور جو بائیڈن کے اعزاز میں ہے۔