اسلام آباد (نوائے وقت رپورٹ) پٹرولیم مصنوعات کی قیمتوں میں ردوبدل کر دیا گیا۔ نوٹیفکیشن کے مطابق پٹرول کی  فی لٹر قیمت میں ایک روپیہ 35 پیسے اور ہائی سپیڈ ڈیزل کی قیمت میں 3 روپے 85 پیسے کا اضافہ کیا گیا ہے۔ لائٹ ڈیزل کی قیمت میں دو روپے 61 پیسے اور مٹی کے تیل کی قیمت میں ایک روپیہ 48 پیسے لٹر کمی کر دی گئی ہے۔ پٹرولیم مصنوعات کی نئی قیمتوں کا اطلاق ہو گیا ہے۔ پٹرول کی نئی قیمت اضافے کے بعد 248 روپے 38 پیسے اور ہائی سپیڈ ڈیزل کی نئی قیمت 255 روپے 14 پیسے فی لٹر مقرر کی گئی ہے۔ مٹی کے تیل کی نئی قیمت 161 روپے 54 پیسے اور لائٹ ڈیزل کی نئی قیمت 147 روپے 51 پیسے فی لٹر مقرر کی گئی ہے۔ ایل پی جی کی قیمت میں نومبر کیلئے 2 روپے 88 پیسے فی کلو اضافہ کیا گیا ہے۔