گوجرخان (نامہ نگار) بڑکی بدہال میں رفاقت محمود کے گھر ڈاکوؤں نے دھاوا بول دیا الماری سے پانچ تولے سونا دو لاکھ روپے نقدی لے گئے دوسری واردات میں نواحی علاقہ پھراٹی کے رہائشی عاطف محمود نے اپنا موٹر سائیکل سکول کے باہر کھڑا کیا تو نامعلوم چور موٹر سائیکل لے گئے تیسری واردات میں محمد قذافی سکنہ حکیم چٹھہ گوجرخان سے ٹیوٹا ہائی ایس میں سوار تھا کہ دوران سفر نامعلوم شخص نے اس کی جیب سے اڑھائی لاکھ روپے نقدی اور موبائل فون نکال لیا چوتھی واردات جاتلی میں ہوئی جہاں نامعلوم چوروں نے پی ٹی سی ایل ایکسچینج سے اڑھائی لاکھ مالیت کی بیٹریاں چوری کرلی پانچویں واردات بھنگالی ٹیلی فون ایکسچینج میں ہوئی جہاں نامعلوم چوروں نے ایکسچینج کے25 کے وی ٹرانسفارمر سے کوائل چوری کر لی پولیس نے الگ الگ مقدمات درج کر کے ملزمان کی تلاش شروع کر دی ہے۔