سابق صدرکی جانب سے لندن میں کنونشن کا اہتمام کیاگیا ہے جس میں پارٹی کے قیام کا باقاعدہ اعلان کیا جائے گا۔ کنونشن میں دنیا بھر سے سابق صدر کے حامی شرکت کررہے ہیں۔ پاکستان سے جنرل ریٹائرڈ راشد قریشی اور بیرسٹرسیف سمیت دیگر افراد پر مشتمل وفد بھی اس کنونشن میں شرکت کرے گا۔ پارٹی کنونشن پاکستان وقت کے مطابق شام چھ بجے منعقد ہوگا۔ پارٹی کے قیام کے بعد پہلا عوامی جلسہ امریکہ میں منعقد کیا جائے گا۔ ادھر ذرائع نے دعویٰ کیا ہے کہ ملکی حالات کے باعث سابق صدرپرویزمشرف آج آل پاکستان مسلم لیگ بنانے کا باضابطہ اعلان نہیں کریں گے۔ پارٹی کے قیام کا اعلان مناسب وقت پرکیا جائے گا۔