یورپی ممالک کی پروازیں بند نہیں کی جا ر ہیں: ترجمان پی آئی اے

کراچی (سٹاف رپورٹر) پی آئی اے کے ترجمان نے کہا کہ یورپی برطانیہ، فرینکفرٹ ایمسٹریڈم اور مانچسٹر کی پروازیں بلاتعطل جاری ہیں ان سٹیشن کو بند کرنے کا سوال ہی پیدا نہیں ہوتا ترجمان نے کہا کہ یہ تمام بہترین اور منافع بخش روٹس ہیں کیونکہ نیو یارک کی تمام پروازیں مانچسٹر کے راستے آپریٹ ہوتی ہیں ترجمان کے مطابق قومی ایئرلائن کی انتظامیہ کرسمس کے موقع پر یورپ، امریکہ ، برطانیہ، کینیڈا سے زیادہ بزنس حاصل کرنے کے لئے نئی حکمت عملی مرتب کر رہی ہے جبکہ نئے روٹس متعارف کرانے کی بھی منصوبہ بندی کی جا رہی ہے۔