ماموزئی میں سیکیورٹی فورسزکی گاڑی شدت پسندوں کی جانب سےبچھائی گئی بارودی سرنگ سے ٹکراگئی جس سے زور دار دھماکہ ہوا۔ دھماکے کے نتیجے میں ایک اہلکار شہید اور دو زخمی ہوگئے، زخمیوں کو ٹل سی ایم ایچ ہسپتال منتقل کردیا گیا۔ واقعہ کے بعد فورسز نے ماموں زئی میں شدت پسندوں کے ٹھکانوں پربھاری توپ خانے سے گولہ باری کی جس کے نتیجے میں سات شدت پسند ہلاک اور دو ٹھکانے تباہ ہوگئے۔ مامو زئی کو شدت پسندوں کا گڑھ خیال کیا جاتا ہے جہاں سرچ آپریشن کے لیے فورسزکی پیش قدمی جاری ہے۔