کراچی(آن لائن)ملکی صرافہ مارکیٹوں میںایک تولہ سونے کی قیمت ایک بار پھر52ہزارروپے کی سطح سے تجاوزکرگئی ۔جمعہ کے روز عالمی صرافہ مارکیٹ میں7ڈالرکے اضافے سے فی اونس سونے کی قیمت1326ڈالرہوگئی ۔آل پاکستان سپریم کونسل جیولرز ایسوسی ایشن کی رپورٹ کے مطابق ملکی صرافہ مارکیٹوںمیںایک تولہ سونے کی قیمت میں200روپے کااضافہ ریکارڈ کیا گیا جس کے بعد کراچی،لاہور،اسلام آباداورراولپنڈی کی صرافہ مارکیٹوںمیںایک تولہ سونے کی قیمت51ہزار800روپے سے بڑھ کر52ہزارروپے پرجاپہنچی اسی طرح171روپے کے اضافے سے دس گرام سونے کی قیمت44ہزار571روپے ہو گئی جبکہ ایک تولہ چاندی کی قیمت740روپے پربرقراررہی ۔