شاہدرہ اور گردونواح میں گندگی کے ڈھیر اور کھلے مین ہولز انتظامیہ کا منہ چڑانے لگے

فیروزوالا (نامہ نگار) شاہدرہ کے علاقوں میں جگہ جگہ گندگی کے ڈھیر لگے ہوئے ہیں جبکہ اکثر گٹروں کے ڈھکن ہی نہیں ہیں جس سے شہریوں کو شدید مشکلات کا سامنا کرنا پڑ رہا ہے۔ شہریوں نے کئی بار صفائی عملے کی توجہ اس جانب کرائی مگر کوئی اقدام نہیں اٹھایا گیا۔ جیاموسیٰ‘ عنایت پارک کے علاقوں میں گٹروں کے ڈھکنے غائب ہیں جو کسی بھی وقت حادثہ کا باعث بن سکتے ہیں۔اہل علاقہ نے اعلیٰ حکام اور انتظامیہ سے اس جانب خصوصی توجہ کا مطالبہ کیا ہے۔