ایشیاءکپ میں قومی ہاکی ٹیم فائنل تک رسائی حاصل کرے گی، شہباز احمدسینئر

اسلام آباد (اے پی پی) پاکستان ہاکی فیڈریشن کے سیکرٹری شہباز احمد سینئر نے کہا ہے کہ بنگلہ دیش میں ہونے والے ایشیاءکپ میںقومی ٹیم فائنل تک رسائی حاصل کرے گی۔ ”اے پی پی“ سے گفتگو کرتے ہوئے ہاکی ایشیاءکپ کے حوالے سے ان کا کہنا تھا کہ ایشیاءہاکی کپ آئندہ ماہ 11 اکتوبر سے بنگلہ دیش میں کھیلا جائے گا۔ایونٹ میں پاکستان سیمت بنگلہ دیش، بھارت،چین، جنوبی کوریا،جاپان،عمان اور ملائشیاءکی ٹیمیں شرکت کرے گی۔ انہوں نے توقع ظاہر کی کہ ایشیاءکپ میں ہماری ٹیم فائنل تک رسائی حاصل کرے گی۔ انہوں نے کہا کہ آئندہ سال قومی ٹیم آسٹریلیا اور یورپ کے دورے پر بھی جائے گی اور بھارت میں ورلڈ کپ میں بھی شرکت کرے گی۔ انٹرنیشنل ہاکی فیڈریشن کے صدر نریندر باترا کے ساتھ دوبئی میں ہونے والی ملاقات میں طے پایا ہے کہ بھارت میں ہونے والے ورلڈ کپ میں پاکستانی ٹیم کو فول پروف سیکورٹی کی فراہمی کو یقینی بنایا جائے اور ویزا کے پراسیس کو بھی آسان بنایا جائے۔ انہوں نے کہا کہ ورلڈ کپ کے لئے وقت سے قبل ویزے کے لئے ایپلائی کریں گے۔پاکستان ہاکی لیگ کے حوالے سے انکا کہنا تھا کہ ہاکی لیگ آئندہ سال ملک کے مختلف شہروں میں کھیلی جائے گی جس کے لئے انتظامات کو حتمی شکل دی جا رہی ہے۔ لیگ میں ہر ٹیم میں تین سے چار غیر ملکی کھلاڑی شرکت کریں گے۔ ہاکی لیگ آئندہ سال 24 اپریل سے ملک کے چار شہروں کراچی، لاہور، گوجرہ اور فیصل آباد میں کھیلی جائے گی۔ ہر ٹیم میں تین سے چار غیر ملکی کھلاڑی شرکت کریں گے۔ انہوں نے کہا کہ لیگ میں آسٹریلیا، ارجنٹائن اور دیگر ممالک کے غیر ملکی کھلاڑی شرکت کریں گے۔ انہوں نے کہا کہ ہاکی لیگ سے ہاکی لیگ پی ایچ ایف کو مالی سپورٹ کی فراہمی کے ساتھ ساتھ قومی کھیلوں میں کھوئے ہوئے مقام کو دوبارہ بحال کرے گی۔