لاہور(سپورٹس رپورٹر)پاکستان کرکٹ بورڈ نے 18 ممکنہ خواتین کھلاڑیوں کو تربیتی کیمپ میں طلب کر لیا، کیمپ 5 سے 20 اکتوبر تک کراچی میں جاری رہے گا۔پی سی بی کے مطابق حنیف محمد ہائی پرفارمنس سینٹر اور نیشنل سٹیڈیم کراچی میں 16 روزہ کیمپ آئی سی سی ویمنز ورلڈ کپ کوالیفائرز کی تیاریوںکیلئے لگایا جا رہا ہے، کیمپ میں کھلاڑیوں کی فٹنس اور سکلز پر خصوصی توجہ دی جائیگی۔اس دوران کیمپ میں خواتین کھلاڑیوں کے بوائز انڈر 19 ٹیموں کیخلاف پریکٹس میچز بھی منعقد کرائے جائیں گے۔پی سی بی کے مطابق کیمپ میں ایمن انور، عالیہ ریاض، انعم امین، عائشہ ظفر، ڈیانا بیگ، فاطمہ ثناء ، ارم جاوید، جویریہ خان، کائنات امتیاز، ماہم طارق، منیبہ علی، نشرح سندھو، ندا ڈار، عمیمہ سہیل، سعدیہ اقبال، سدرہ امین، سدرہ نواز اور رامین شمیم کو طلب کیا گیا ہے۔